l

 

Roc'h Trevezel

Mond a ran da gontañ deoc'h

bremañ en ur ganañ

Ar chanson zo komposet

diwar-benn Komana

 

Komana zo ur vro gaer

Dre prajou ha koat

nemet 'benn gellout bevañ

e ranker labourat

 

kalz a dud a lavar deomp

hon eus ur binvidigezh

gant ar soursennoù bihan

zo bordig ar menez

 

Met an dour-se n'eo ket deomp

mont a ra d'ar richerioù

hag e za treuzek ar mor

penn da benn gant kanioù (kanioù = vallons)

 

Hag ur stank a zo bet graet

e-kichen an Drenneg

evit ober ul lenn vras

da gas dour d'ar Juloded

 

Hag an dud a oa eno

a zo bet displantet

Ranket o deus bet kuitaat

o ziez zo beuzet

 

Un iliz a zo ivez

e kreiz bourk Komana

Klaset eo gant arzhoù kaer

e-touesk ar re vraoañ

 

Hag e-barzh an iliz-se

ez eus un tour uhel

hag a zo kalz huelloc'h

'vel m'az eo tour Kastell (= tour ar c'hreisker e kastell Paol)

 

Bez e oan bet o pourmen,

war gein menez Are

'lec'h ma 'mañ an disparti

'tre Leon ha Kerne

 

Graet am boa un azezenn

war beg roc'h Trevezel

Eus eno me a wele

An hanter eus Breiz-izel

 

Diouzhtu en hor c'hichen

oa tour Plouneour-Menez

ha penn da benn gant ar c'han (kan =vallon)

e oa richer Penzez

 

Pa droen va fenn en tu-all

e velen lenn Brennilis

Honnezh zo diouizhtu eno

Kreiz bro ar Gernevis

 

Mont a ran da lakaat fin

Dalc'het on gant sec'hed

Rak a-nez c'helloc'h behañ sur (a-nez=sinon) (behañ =bezañ)

ne vijen ket ehanet

 

N'on ket gouest da ganañ ken

gant ar sec'hed am eus

P' az an da esa ober

ez a va beg a-dreuz